Район мәдәният йорты залында бу бәйрәмгә битараф булмаган кешеләр – хөрмәтле ветераннар, мактаулы гражданнар, Аксубай районы җитәкчелеге, хәрби кешеләр, мәктәп укучылары, оешма һәм предприятие вәкилләре җыелды. 7 декабрьдә Ватан Геройлары көненә һәм Билгесез солдат көненә багышланган тантаналы концерт булды
«Россия-бик зур дәүләт, аның чикләре Диңгез, Океан, буш урманнар буйлап уза. Геройларның батырлыгы һәм фидакарьлеге аркасында безнең чик - йозакта, - диде җыелганнарны сәламләп, Аксубай муниципаль районы башлыгы Камил Гилманов, - ата-бабаларыбызның һәм замандашларыбызның батырлыгы аркасында без ирекле илдә тыныч күк астында яшибез. Без геройларның хәтерен тирән ихтирам итәбез һәм хөрмәт итәбез, шул ук исемдәге аллея буйлап горур уза алабыз. Бүген без монда тагын бер кат соклану һәм рәхмәт сүзләрен җиткерү өчен җыелдык.»
-“ Геройлар тумыйлар, геройлар булалар-Үзәк хәрби округ инспекторы генерал-майор Анатолий Молоствов рус полководецы Суворов әйткән сүзләрне кабатлады. - Герой булу өчен Ватанны яратырга һәм һәрвакыт намус белән эшләргә кирәк. Яшь буынның моны шәхси үрнәк итеп исбатлау өчен бөтен мөмкинлекләре дә бар”.
Төп сәхнәдән шулай ук ветераннар советы рәисе Галина Бобкованың, Аксубай православие храмы настоятеле протоиерей Алекандр Качаевның котлаулары да яңгырады.
Бәйрәм программасын РДШ һәм Юнармиянең фирма флешмобы ачып җибәрде. Наилә Крайнова җитәкчелегендәге баянчылар һәм кашыкчылар ансамбле матур чыгышлары белән сөендерде. Тантаналы рәвештә Василий Воронин, Нина Волкова, Татьяна Григорьева, Резеда Гатина, Екатерина Наумова, район мәдәният йортының «Златоцвет» вокаль ансамбле башкаруында патриотик җырлар яңгырады. Нина Волкова, Яңа Аксубай мәдәният йортының «Шанчак» вокаль ансамбле ( җитәкчесе. Елена Охотникова) Анна Бикмуллиналарның чыгышын яратып тыңладылар. Наталья Егорова тамашачыларга бәйрәм кәефе тудырды.