ТР Аксубай муниципаль районының «Мәдәният бүлеге» җитәкчесе Алексей Тимирясов һәм Аксубай район мәдәният йорты директоры Ольга Копанева җитәкчелегендә 30 июльдә иң яхшы артистлар Нурлат муниципаль районының Богдашкино авылында концерт белән бардылар
Республика районнары арасында аралашу концертлары ТР Мәдәният министрлыгы инициативасы белән соңгы елларда президент программасы буенча төзелгән һәм сафка бастырылган яңа авыл клубларының эшчәнлеген тулыландыру һәм ТР муниципаль берәмлекләрендә халык белән җанлы аралашу максатында инде берничә ел үткәрелә.
ТР Аксубай муниципаль районының «Мәдәният бүлеге» җитәкчесе Алексей Тимирясов һәм Аксубай район мәдәният йорты директоры Ольга Копанева җитәкчелегендә 30 июльдә иң яхшы артистлар Нурлат муниципаль районының Богдашкино авылында концерт белән бардылар.
Бәйрәм программасы үзешчән сәнгать артистларының иң матур номерларыннан тәкъдим ителде. Матур сәхнә костюмнары, артистларның югары башкару осталыгы-болар барысы да концертны онытылмаслык бәйрәмгә әверелдерде, ул һәркемнең күңелендә онытылмас тәэсир калдырды.
Алим Идиатуллин, Елена Пикалова, Илхат Фәизов, Татьяна Григорьева, Беловка авыл мәдәният йортының «Родник» вокаль коллективы сокландыргыч кәеф бүләк иттеләр.Тамара Андреева, Эдуард Ильин, Любовь Леонтьева, Анатолий Никифоров, Полина Мулеева, Надежда Мишина һәм искиткеч алып баручылар Татьяна Григорьева һәм Алим Идиатуллин бәйрәм атмосферасын тудырдылар. Богдашкино халкы Аксубай артистларын җибәрергә теләмәде. Район мәдәният йорты коллективы тавыш режиссеры Алик Большовка аерым рәхмәт белдерә.
16 июльдә Нурлат артистлары Аксубай районы халкын җавап концерты белән сөендерәчәкләр.